Mae Creu Lleoedd yn broses sy’n digwydd yng nghanol pob tref yng Nghymru. Y bwriad ydi gosod gweledigaeth ar gyfer y dyfodol a nodi amrywiaeth o gyfleoedd a fyddai o fudd i’r dref, y bobl leol a’r sefydliadau lleol.

Disgwylir i bob awdurdod lleol ar draws Cymru gael cynlluniau creu lleoedd ar gyfer eu trefi - mae hyn yn amod ar gyfer sicrhau cyllid adfywio gan Lywodraeth Cymru. 

Dysgu mwy gan Gomisiwn Dylunio Cymru

Fel bob awdurdod lleol yng Nghymru, mae’n rhaid i Gyngor Sir y Fflint ddatblygu Cynlluniau Creu Lleoedd mewn ymateb i bolisi Llywodraeth Cymru. Mae angen y cynlluniau hyn i sicrhau argaeledd buddsoddiad Llywodraeth Cymru i gefnogi prosiectau adfywio canol trefi.

Mae’r cynlluniau yn helpu i sicrhau dull cydlynol i welliannau canol trefi, gan ddod â’r Cyngor a’i bartneriaid at ei gilydd i gydweithio. 

Roedd ymgynghori â’r cyhoedd yn rhan ganolog o’r broses o Greu Lleoedd.  Roedd dau gam ar gyfer pob tref: 

• Cam 1: Ymgynghori cychwynnol i gasglu barn am flaenoriaethau a heriau lleol
• Cam 2: Ymgynghori ar y cynllun drafft ei hun

Darparwyd ymgynghoriadau ar-lein a thrwy sesiynau galw heibio wyneb yn wyneb. Mae adborth gan dros 12,000 o bobl leol wedi helpu i siapio’r cynlluniau ar gyfer 7 tref yn Sir y Fflint. 

Mae Cyngor Sir y Fflint yn cydlynu datblygiad Cynlluniau Creu Lleoedd ar ran ystod o bartneriaid, yn seiliedig ar angen lleol bob canol tref.

Ar ôl eu cymeradwyo, bydd Cynlluniau Gweithredu yn cael eu darparu mewn partneriaeth rhwng y Cyngor a phartneriaid allanol, o’r cyhoedd i’r sectorau preifat a gwirfoddol. 

Mae datblygiad y Cynlluniau Creu Lleoedd wedi’i ariannu gan gyllid a gafwyd trwy Gronfa Ffyniant Gyffredin Llywodraeth y DU a menter Trawsnewid Trefi Llywodraeth Cymru.

Bydd cael Cynllun Creu Lleoedd ar waith ar gyfer bob tref yn helpu i ddenu cyllid ar gyfer prosiectau penodol yn y dyfodol sy’n cefnogi darpariaeth y cynlluniau.