Cynnig y Ddarpariaeth Addysg Gatholig

Mae Esgobaeth Gatholig Wrecsam a Chyngor Sir y Fflint yn ceisio eich barn ar gynnig i ail-drefnu’r ddarpariaeth addysg Gatholig yn Sir y Fflint. 

Cynigir:

• Cau Ysgol Gynradd Gatholig Wirfoddol a Gynorthwyir Sant Anthony yn Saltney, a fydd yn gorffen gweithredu erbyn 31 Awst 2026.
• Uno Ysgol Gynradd Gatholig Wirfoddol a Gynorthwyir Sant David yn yr Wyddgrug, Ysgol Gynradd Gatholig Wirfoddol a Gynorthwyir y Santes Fair yn y Fflint ac Ysgol Uwchradd Gatholig Wirfoddol a Gynorthwyir Sant Richard Gwyn yn y Fflint. 
• Byddai’r uno’n golygu y byddai’r ysgolion unigol yn cau erbyn 31 Awst 2026 ac ysgol unedig newydd, Gatholig Wirfoddol a Gynorthwyir 3-18, Cyfrwng Saesneg, gydag enw a rhif ysgol newydd, yn agor ym Medi 2026, yn gweithredu ar y tri o safleoedd presennol.
• Symud yr ysgol newydd i’r adeiladau newydd o 1 Medi 2029.

Mae’r ymgynghoriad hwn yn dechrau ar 3 Mehefin 2025 ac yn cau am Hanner Nos ar 18 Gorffennaf 2025.

Mae’r dogfennau isod yn darparu gwybodaeth fanwl i’w hystyried gan fudd-ddeiliaid a’u galluogi i gymryd rhan lawn yn y broses ymgynghori. 

• Dogfen Ymgynghori Statudol
• Trosolwg o'r Ymgynghoriad Statudol
• Dogfen Ymgynghori Plant a Phobl Ifanc
• Asesiad o'r Effaith ar y Gymraeg
• Asesiad o'r Effaith ar y Gymuned
• Asesiad o'r Effaith ar Gludiant
• Asesiad o Effaith Integredig

Ffurflen Ymateb

Defnyddiwch y ddolen isod i agor y ffurflen ymateb a fydd yn eich galluogi i gyflwyno eich barn ar y cynnig.

Ffurflen Ymateb

Fel arall, gallwch ymateb yn ysgrifenedig drwy ddefnyddio’r manylion cyswllt isod.

Rhaid derbyn yr holl ymatebion erbyn hanner nos ar 18 Gorffennaf 2025.

Rhagor o Wybodaeth

Os oes arnoch angen copi papur o’r dogfennau, cysylltwch â’r tîm gan ddefnyddio’r manylion isod. 

• Tîm Moderneiddio Ysgolion
  Cyngor Sir y Fflint
  Tŷ Dewi Sant
  Parc Dewi Sant
  Ewloe
  Sir y Fflint
  CH5 3FF
• E-bost: CatholicEducationConsultation@siryfflint.gov.uk
• Rhif ffôn: 01352 704014, 01352 704018 or 01352 702188

Ni chynhelir digwyddiadau galw heibio cyhoeddus yn ystod yr ymgynghoriad hwn.   Yn hytrach, gellir cyflwyno cwestiynau dros e-bost neu drwy’r post gan ddefnyddio’r manylion cyswllt isod a bydd Swyddogion y Cyngor yn darparu ymateb o fewn 7 niwrnod gwaith ar faterion y broses.

Rydym yn croesawu gohebiaeth yn Gymraeg a Saesneg a byddwch yn cael ymateb yn yr un iaith.  Ni fydd y defnydd o’r naill iaith yn arwain at oedi.