Neidio i'r prif gynnwys Logo Cyngor Sir y Fflint

Alert Section

Cynnig y Ddarpariaeth Addysg Gatholig

Mae Cyngor Sir y Fflint yn ystyried cynnig i ad-drefnu'r ddarpariaeth addysg Gatholig yn Sir y Fflint. Mae’r cynnig yn rhan o ddull strategol a ddatblygwyd gan Esgobaeth Gatholig Wrecsam mewn partneriaeth â’r Cyngor i fynd i’r afael â nifer o heriau sy’n effeithio ar addysg Gatholig yn lleol a chefnogi cynnig addysg Gatholig gynaliadwy o ansawdd uchel ar gyfer plant a theuluoedd yn y dyfodol.

Mae’r cynnig yn ceisio:

  • Lleihau llefydd gwag mewn ysgolion, galluogi i adnoddau gael eu canolbwyntio ar ddysgu ac addysgu.
  • Gwella amgylcheddau dysgu ar gyfer disgyblion.
  • Cryfhau trefniadau arwain ar draws y ddarpariaeth addysg Gatholig. 
  • Cefnogi darpariaeth cynnig cwricwlwm llawn ar gyfer dysgwyr rhwng 3 a 18 oed.
  • Datblygu addysg Gymraeg o fewn cyd-destun Catholig ymhellach. 
  • Cynyddu cyfleoedd ar gyfer buddsoddiad drwy Raglen Cymunedau Dysgu Cynaliadwy Llywodraeth Cymru. 

Y Cynnig

Byddai’r cynnig a ystyrir gan y Cyngor yn: 

  • Cau Ysgol Gynradd Gatholig Wirfoddol a Gynorthwyir Sant Anthony, Saltney, erbyn 31 Awst 2027. 
  • Cau Ysgol Gynradd Gatholig Wirfoddol a Gynorthwyir Sant David, yr Wyddgrug, Ysgol Gynradd Gatholig Wirfoddol a Gynorthwyir y Santes Fair, y Fflint, ac Ysgol Gynradd Gatholig Wirfoddol a Gynorthwyir Sant Richard Gwyn, y Fflint, erbyn 31 Awst 2027. 
  • Sefydlu ysgol Gatholig wirfoddol a gynorthwyir 3-18 oed cyfrwng Saesneg newydd gydag enw a rhif ysgol newydd, i agor o 1 Medi 2027.
  • Galluogi i’r ysgol newydd weithredu ar draws y safleoedd ysgol presennol nes bydd adeilad ysgol newydd wedi’i ddatblygu, a ddisgwylir o fis Medi 2030. 

 

Ymgynghoriad

Cynhaliwyd yr ymgynghoriad statudol ar y cynnig hwn o 16 Mehefin 2026 tan 29 Gorffennaf 2026, ac mae bellach wedi cau. 

Mae’r dogfennau ymgynghori a’r asesiadau ategol yn parhau i fod ar gael i’w gweld trwy’r dolenni ar ochr dde’r dudalen hon (dylid nodi bod rhai o’r dogfennau ategol wedi cael eu diweddaru trwy gydol y broses ymgynghori statudol).

Yn dilyn diwedd y cyfnod ymgynghori statudol, drafftiwyd Adroddiad Ymgynghori yn:

  • rhoi crynodeb o’r materion a godwyd gan y rhai yr ymgynghorwyd â nhw;
  • ymateb i’r rhain trwy roi eglurhad, rhoi gwelliant i’r cynnig neu wrthod y pryderon, gyda rhesymau i gefnogi;
  • amlinellu ymateb Estyn i’r ymgynghoriad yn llawn; ac
  • ymateb i ymateb Estyn trwy roi eglurhad, rhoi gwelliant i’r cynnig neu wrthod y pryderon, gyda rhesymau i gefnogi.

 

Cymeradwyaeth i Fwrw Ymlaen 

Ar ddydd Gwener 18 Medi 2026, cyflwynwyd drafft o’r Adroddiad Ymgynghori i Bwyllgor Trosolwg a Chraffu Addysg, Ieuenctid a Diwylliant y Cyngor.

Mae manylion y cyfarfod i’w weld trwy ddilyn y ddolen ganlynol:

https://cyfarfodyddpwyllgor.siryfflint.gov.uk/ieListDocuments.aspx?CId=512&MId=6254&Ver=4&LLL=1 

Ar ddydd Iau 6 Hydref 2026 bu i Gabinet y Cyngor gymeradwyo cynnig i fwrw ymlaen â chyhoeddi hysbysiad statudol i ddechrau cyfnod 28 diwrnod o wrthwynebu. 

Mae manylion y cyfarfod i’w weld trwy ddilyn y ddolen ganlynol:

https://cyfarfodyddpwyllgor.siryfflint.gov.uk/ieListDocuments.aspx?CId=391&MId=6255&Ver=4&LLL=1 

Cafodd penderfyniad y Cabinet ei ‘alw i mewn’ ar gyfer adolygiad pellach gan Bwyllgor Trosolwg a Chraffu Addysg, Ieuenctid a Diwylliant, ac fe gafwyd trafodaeth ar ddydd Iau 15 Hydref 2026.

Mae manylion y cyfarfod i’w weld trwy ddilyn y ddolen ganlynol:

https://cyfarfodyddpwyllgor.siryfflint.gov.uk/ieListDocuments.aspx?CId=512&MId=6258&Ver=4&LLL=1 

 

Adroddiad Ymgynghori

Yn dilyn cymeradwyaeth i symud ymlaen, cyhoeddwyd yr Adroddiad Ymgynghori terfynol ar ddydd Llun 26 Hydref 2026, ynghyd â fersiwn i Blant a Phobl Ifanc, ac mae’r ddwy ddogfen ar gael trwy’r dolenni isod:

Adroddiad Ymgynghori

Adroddiad Ymgynghori Plant a Phobl Ifanc

Bydd manylion yr Hysbysiad Statudol a Chyfnod Gwrthwynebu i ddilyn.

 

Rhagor o Wybodaeth

Os oes gennych chi unrhyw gwestiynau ynglŷn â’r cynnig neu os oes arnoch chi angen gwybodaeth bellach, cysylltwch â'r Tîm Moderneiddio Ysgolion:

  • Post: Tîm Moderneiddio Ysgolion, Cyngor Sir y Fflint, Tŷ Dewi Sant, Ewlo, CH5 3XT
  • E-bost: CatholicEducationConsultation@flintshire.gov.uk
  • Rhif Ffôn: 01352 704018 neu 01352 704014

Mae copïau caled, fersiynau print bras, Braille ac mewn ieithoedd eraill o’r ddogfen ar gael drwy gais. Rydym yn croesawu gohebiaeth yn Gymraeg a Saesneg a byddwch yn cael ymateb yn yr un iaith.