Hysbysiad Preifatrwydd – Rhaglenni Cyflogadwyedd
Hydref 2026
Mae gan Gyngor Sir y Fflint ddwy raglen cyflogadwyedd a ariennir gan Lywodraeth y DU a Llywodraeth Cymru.
Sail gyfreithiol ar gyfer prosesu
Cyngor Sir y Fflint fydd y rheolwr data ar gyfer unrhyw ddata personol rydych wedi'i ddarparu mewn perthynas â'r Rhaglenni Cyflogadwyedd sydd ar gael yn Sir y Fflint. Bydd y wybodaeth yn cael ei phrosesu i ddiffinio pa raglen gyflogadwyedd sydd fwyaf addas ar gyfer anghenion unigol.
Mae'r prosesu'n cael ei gynnal fel rhan o weinyddiaeth y Cyngor o'r rhaglenni Cymunedau am Waith + a Cysylltu â'r Gwaith ac felly mae'n seiliedig yn fwy priodol ar dasg gyhoeddus yn hytrach na chaniatâd.
Pa ddata personol y byddwn yn ei gasglu a'i brosesu
Mae data personol yn cael ei ddiffinio o dan y Rheoliad Cyffredinol ar Ddiogelu Data (GDPR y DU) fel 'unrhyw wybodaeth sy'n ymwneud â pherson y gellir ei adnabod yn uniongyrchol neu'n anuniongyrchol trwy gyfeirio at ddynodwr'.
Ar gyfer y rhaglenni cyflogadwyedd hyn, byddwn yn casglu'r data personol canlynol:
- Enw(au) cyntaf
- Cyfenw
- Cyfeiriad
- Cyfeiriad e-bost personol
- Rhif ffôn
- Rhif yswiriant gwladol yr hawlydd
- Dyddiad geni
Efallai y bydd data arall hefyd yn cael ei gasglu ond nid yw'n cael ei nodi fel data personol o dan GDPR y DU.
Data Categori Arbennig:
- Rhyw
- Ydy eich hunaniaeth rhywedd yr un fath â’r rhyw a roddwyd i chi ar eich genedigaeth
- Ethnigrwydd
- Cyflwr iechyd sy'n cyfyngu ar weithio
- Statws anabledd
- Euogfarnau troseddol a chyfyngiadau
Mae'r prosesu hwn yn cael ei gynnal o dan Erthygl 6(1)(e) Tasg Gyhoeddus a, phan fo data categori arbennig yn cael ei brosesu, amod Erthygl 9.
Ar gyfer beth fydd Cyngor Sir y Fflint yn defnyddio eich gwybodaeth?
Byddwn yn defnyddio'ch gwybodaeth i benderfynu ar gymhwysedd ar gyfer y rhaglen a nodi'r llwybr cymorth a'r partner cyflenwi mwyaf priodol.
Mae ein staff wedi'u hyfforddi i drin eich gwybodaeth yn gywir a diogelu eich cyfrinachedd a'ch preifatrwydd.
Gall Cyngor Sir y Fflint rannu eich data gyda:
Dim ond gyda'r asiantaethau a'r cyrff hynny sydd angen gwybod y caiff eich gwybodaeth ei rhannu. At ddibenion y rhaglen Cysylltu â Gwaith, bydd eich data yn cael ei rannu â Strategaeth Dinas y Rhyl sef y cyflenwr a gomisiynwyd ar gyfer y rhaglen hon. Mae Strategaeth Dinas y Rhyl yn gofyn am y wybodaeth hon i wirio cymhwysedd ar gyfer y rhaglen.
Sut fydd Cyngor Sir y Fflint yn cadw fy nata yn ddiogel?
Caiff y data a gesglir gan Gyngor Sir y Fflint amdanoch ei gadw ar weinyddion diogel yn y DU mewn cronfa ddata ddiogel â mynediad wedi’i reoli sy’n cael ei phrofi’n rheolaidd o ran diogelwch a chadernid. Bydd gan Gyngor Sir y Fflint gytundeb rhannu data ffurfiol ar waith pryd bynnag y byddwn yn rhannu eich data â thrydydd parti.
Mae gan Gyngor Sir y Fflint weithdrefnau i ddelio ag unrhyw doriadau diogelwch data a amheuir. Os amheuir bod toriad wedi digwydd, bydd Cyngor Sir y Fflint yn rhoi gwybod i chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny.
Am ba mor hir y cedwir eich manylion
Byddwn yn cadw eich gwybodaeth bersonol cyhyd ag sy'n ofynnol gan y rhaglen rydych chi'n derbyn cymorth ganddi ac yn unol â'r gofynion cyllido perthnasol.
Os byddwch yn derbyn cymorth drwy Cymunedau am Waith a Mwy (CaW+), bydd eich cofnodion yn cael eu cadw am 6 mlynedd yn unol â gofynion Llywodraeth Cymru.
Os byddwch yn derbyn cymorth drwy Cysylltu â Gwaith, bydd eich cofnodion yn cael eu cadw am 7 mlynedd ar ôl diwedd y rhaglen Cysylltu â Gwaith, yn unol â gofynion yr Adran Gwaith a Phensiynau.
Mae'r cyfnodau cadw hyn yn berthnasol hyd yn oed os byddwch yn gorffen derbyn cymorth cyn i'r rhaglen berthnasol ddod i ben. Unwaith y bydd y cyfnod cadw perthnasol wedi dod i ben, bydd eich gwybodaeth yn cael ei dileu neu'n cael ei gwaredu'n ddiogel yn unol â'n polisïau rheoli cofnodion.
Mwy o wybodaeth
Am ragor o wybodaeth ynglŷn â diogelu data a'ch hawliau, gallwch ymweld â'n Tudalen Diogelu Data ar wefan y Cyngor.