Mae Gweithdrefnau Diogelu Cymru yn rhoi manylion am rolau a chyfrifoldebau hanfodol ymarferwyr i sicrhau eu bod yn diogelu plant sydd mewn perygl o gamdriniaeth ac esgeulustod.

Wyddoch chi y gallwch chi lawrlwytho ap sy’n eich galluogi chi i gael yr holl wybodaeth sydd ar gael ar ddyfais symudol?

Gweithdrefnau Diogelu Cymru 

Am ragor o wybodaeth, adnoddau a chyfleoedd hyfforddi ewch i wefan Bwrdd Diogelu Gogledd Cymru. Yma dewch o hyd i fanylion cyswllt eich Timoedd Diogelu Rhanbarthol.

Bwrdd Diogelu Gogledd Cymru 

Diben y safonau datblygu, dysgu a hyfforddi diogelu cenedlaethol hyn yw sicrhau bod pawb yng Nghymru yn cael cyfleoedd hyfforddiant, dysgu a datblygu cyson o ansawdd da sy’n berthnasol i’w swydd a’u cyfrifoldebau. Dyma drosolwg o’r grwpiau diogelu gwahanol, bydd hyn yn eich helpu chi i benderfynu pa hyfforddiant sydd fwyaf perthnasol i’ch rôl swydd -

• Grŵp A – Mae hyn ar gyfer pawb.
  Bydd y cwrs hwn yn rhoi gwybodaeth ar y term ‘diogelu’, adnabod camdriniaeth, niwed neu esgeulustod, gwybod pa gamau i’w cymryd, dangos dealltwriaeth o gyfreithiau sylfaenol a chydnabod bod gennych ddyletswydd i adrodd.
  Rhaid i holl ymarferwyr gael lefel sylfaenol o ymwybyddiaeth o ddiogelu
• Grŵp B  – mae hwn ar gyfer pobl sy’n gweithio’n uniongyrchol gyda phlant - e.e. gweithwyr meithrinfeydd, nanis a chynorthwywyr gofalwyr plant.
  Dylai fod ganddynt fwy o wybodaeth am ddiogelu, gwybod gyda phwy y dylent siarad os byddant yn sylwi bod rhywbeth o'i le a bod yn ymwybodol o sut i roi gwybod am bryder.
• Grŵp C  – mae hwn ar gyfer pobl sy’n gweithio’n uniongyrchol gyda phlant ac sydd â chyfrifoldebau diogelu penodol e.e. Rheolwr Meithrinfeydd a Gofalwyr Plant, Unigolyn Cyfrifol, Unigolyn Diogelu Dynodedig.
  Mae angen iddynt allu ymateb i bryderon diogelu.

Gofal Cymdeithasol Cymru - Grŵp A - Diogelu 

Gofal Cymdeithasol Cymru - Safonau Cenedlaethol ar gyfer Hyfforddiant, Dysgu a Datblygu Diogelu 

Cyngor Sir y Fflint - Diogelu 

Mae Cwlwm yn gweithio’n strategol gyda DARPL (Dysgu Proffesiynol am Amrywiaeth a Gwrth-Hiliaeth) i sefydlu ymarferion gwrth-hiliaeth mewn Gofal Plant, y Blynyddoedd Cynnar a Gwaith Chwarae.

Darperir y cyrsiau hunan-astudio gan Cwlwm mewn partneriaeth gyda DARPL i gyflwyno’r cysyniadau o ymarfer gwrth-hiliol. Mae dwy gyfres o hyfforddiant, un wedi’i anelu tuag at Uwch Arweinwyr ac un wedi’i anelu tuag at Ymarferwyr.

Cysylltwch â’r Tîm Datblygu Gofal Plant ar gyfer unrhyw gefnogaeth ychwanegol.

Cwlwm - Adnoddau Ymarfer Gwrth-hiliol 

Mae Llywodraeth Cymru wedi ymrwymo i greu Cymru Wrth-Hiliol erbyn 2030, sy’n galw am ddim goddefgarwch o ran hiliaeth.

Mae’r gwaith hwn wedi cael ei ariannu gan Lywodraeth Cymru, trwy fuddsoddiad parhaus i’r Prosiect Dysgu Proffesiynol am Amrywiaeth a Gwrth-Hiliaeth, i gefnogi gwaith partneriaeth gyda gwasanaeth Cwlwm.

Mae DARPL ar gyfer darpariaeth Gofal Plant, Chwarae a’r Blynyddoedd Cynnar yng Nghymru yn cefnogi ymarfer proffesiynol i fynd i’r afael â hiliaeth, archwilio ymrwymiad, camau gweithredu a strategaeth ar bob lefel y gweithlu.

DARPL - Dysgu Proffesiynol am Amrywiaeth a Gwrth-Hiliaeth 

Ydych chi’n cefnogi Teuluoedd o Leiafrifoedd Ethnig?

Yma dewch o hyd i gymorth sy’n darparu cyfle i bobl o leiafrifoedd ethnig gyrraedd eu llawn botensial trwy raglenni holistaidd, wedi’u targedu ac sy’n sensitif o ran diwylliant, yn cynnwys addysg, cyflogaeth, iechyd, diogelwch a chydlyniant cymunedol.

Oll wedi’i danategu gan weledigaeth lle gall bawb gyfrannu, cymryd rhan a ffynnu yng Nghymru.

EYST - Cefnogi Pobl o Leiafrifoedd Ethnig Ledled Cymru 

Gellir dod o hyd i flogiau ac astudiaethau achos pellach yma:

Cwlwm - Adnoddau Ymarfer Gwrth-Hiliaeth