Mae Rheoliadau Cyfrifon ac Archwilio (Cymru) 2018 yn mynnu ein bod yn paratoi datganiad ar reolaeth fewnol.

Fel sawl awdurdod yng Nghymru, cyfeirir ato fel y ‘Datganiad Llywodraethu Blynyddol’. Dogfen gyhoeddus yw hon sy’n nodi i ba raddau rydym ni fel Cyngor yn cydymffurfio â’n cod llywodraethu ein hunain.

Mae’r Datganiad Llywodraethu Blynyddol yn adrodd ar y fframwaith llywodraethu sydd wedi bod ar waith yng Nghyngor Sir y Fflint yn ystod y flwyddyn ariannol.

Yn y Datganiad Llywodraethu Blynyddol, rydym ni, fel Cyngor, yn:

• Cydnabod ein cyfrifoldeb am sicrhau bod system lywodraethu gadarn mewn lle;
• Crynhoi elfennau allweddol y fframwaith llywodraethu a rolau’r rhai sy’n gyfrifol am ddatblygu a chynnal a chadw’r amgylchedd llywodraethu;
• Disgrifio sut rydym wedi monitro a gwerthuso effeithlonrwydd ein trefniadau llywodraethu yn y flwyddyn, ac unrhyw newidiadau sydd wedi'u cynllunio yn y cyfnod i ddod;
• Rhoi manylion ar sut rydym wedi ymateb i unrhyw fater(ion) a nodwyd yn natganiad llywodraethu'r llynedd;
• Adrodd ar unrhyw fater llywodraethu a nodwyd o’r adolygiad hwn ac ymrwymo i fynd i’r afael â nhw; ac
• Wrth gyfeirio at y Cyngor, mae hyn yn cynnwys ei berthynas grŵp ag endidau eraill megis New Homes Newydd a Newydd.