Newyddion Diweddaraf Cyngor Sir Y Fflint

Diweddariad Casglu Ailgylchu

Published: 03/07/2026

Hoffem ddiolch i breswylwyr am eu hamynedd a darparu diweddariad ar gasgliadau ailgylchu ar draws y Sir.

Yn dilyn y tywydd poeth yr wythnos ddiwethaf, cafodd rhai casgliadau eu gohirio i ddiogelu iechyd, diogelwch a lles ein criwiau a oedd yn gweithio mewn amodau heriol.

O ganlyniad, mae rhai aelwydydd yn cyflwyno llawer mwy o ailgylchu, sydd wedi cynyddu amseroedd casglu ac wedi achosi i rai cerbydau gyrraedd eu capasiti yn gynt na’r disgwyl.

Er bod adnoddau ychwanegol wedi cael eu rhoi ar waith lle bynnag bosibl, mae rhai rowndiau ailgylchu wedi methu â gorffen o fewn y diwrnod gwaith arferol ac efallai bydd angen dychwelyd i gasglu yn yr eiddo heb eu casglu.

Mae ein criwiau yn gweithio’n galed i glirio’r casgliadau sy’n weddill ac adfer y gwasanaeth mor gyflym â phosibl. Ymddiheurwn am unrhyw anghyfleustra a hoffem ddiolch i’r trigolion am eu dealltwriaeth.