Newyddion Diweddaraf Cyngor Sir Y Fflint

Masnachfraint McDonalds S&VE Williams yn 'Warcheidwaid Arfordirol' am y diwrnod ym Mharc Arfordir Sir y Fflint

Published: 11/07/2025

Trefnodd Ceidwad Arfordirol Tîm Mynediad a'r Amgylchedd Naturiol Cyngor Sir y Fflint, Ddiwrnod Ceidwaid Arfordirol yn ddiweddar ar gyfer Masnachfraint McDonalds S&VE Williams Ltd., gan gynnwys timau o'r Rhyl, Sir y Fflint a Wrecsam, yn Presthaven.

Roedd y diwrnod yn cynnwys gweithgareddau i ymgysylltu a llywio sut y gellir amddiffyn a chadw Parc Arfordir Sir y Fflint trwy gyfraniad unigolion a grwpiau, gan brofi sut beth yw bod yn 'Warchodwr Arfordirol' - dan arweiniad y Ceidwad Arfordirol. Y prif ganolbwynt oedd cael gwared ar lysiau'r gingroen yn yr ardal - sy'n peri risg i'r merlod yn yr ardal. Mae'r merlod yn werthfawr i'r lleoliad gan eu bod yn pori'r ardal ac yn cadw'r glaswellt yn fyr er mwyn i'r llyffant cefnfelyn gwarchodedig ffynnu, yn ogystal â bod o fudd i'r ddôl dwyni.

Mae’r Ceidwaid Arfordirol yn gweithio’n galed i amddiffyn y cynefin arfordirol a chynnal cydbwysedd. Mae Presthaven yn atyniad poblogaidd iawn i ymwelwyr, fel y mae traeth tywodlyd llydan Talacre, y mae ei oleudy uchel yn cael ei gydnabod fel symbol o Barc Arfordir Sir y Fflint, ac mae cynnal yr amgylchedd naturiol yn hanfodol i warchod y cynefin ar gyfer bywyd gwyllt ac ymwelwyr.

Dywedodd Martin Collins, Rheolwr Busnes, McDonald’s (DU), y Rhyl: “Roedd yn ddiwrnod anhygoel. Roedd bod yn ‘Warchodwr Arfordirol’ am y diwrnod yn brofiad gwych, gyda diwrnod personol wedi’i gynllunio ar ein cyfer gan y Ceidwad Arfordirol. Diolch i Tim Johnson, o Fynediad ac Amgylchedd Naturiol Sir y Fflint am ei drefnu, ac am adael i ni ymgymryd â gweithgareddau ‘Gwarchodwr Arfordirol’ am y diwrnod. Dysgon ni gymaint a chawsom ddiwrnod gwych ym Mharc Arfordir Sir y Fflint.”

Treuliwyd y diwrnod yn yr awyr agored ym Mharc Arfordir Sir y Fflint, gan ymweld ag ardaloedd o'r safle sy'n gyfoethog o ran bywyd gwyllt, dysgu am y cynefin a meithrin sgiliau newydd trwy weithgareddau ymarferol. Dysgu sut i weld fflora a ffawna anfrodorol, darganfod sut y gellir gwarchod y cynefin a rhoi cynnig ar dasgau ymarferol dan gyfarwyddyd y Ceidwad Arfordirol.

Dywedodd Aelod Cabinet Cyngor Sir y Fflint dros yr Amgylchedd, Adfywio, Cefn Gwlad a Thwristiaeth, y Cynghorydd Chris Dolphin: “Mae Parc Arfordir Sir y Fflint yn lle mor anhygoel i ymweld ag ef. Mae’n cynnig cynefin unigryw a golygfeydd anhygoel dros yr Aber. Rydym yn falch o weld ein Ceidwad Arfordirol yn cynnal y digwyddiad pwysig hwn ar gyfer McDonald’s ac yn creu profiad personol i’r mynychwyr ddysgu mwy am pam mae Arfordir Sir y Fflint mor arbennig. Diolch i bawb a gymerodd ran!”

Gall unrhyw sefydliadau sydd â diddordeb mewn digwyddiadau personol i ddod yn 'Warcheidwaid Arfordirol' am y diwrnod gysylltu â: countryside@siryfflint.gov.uk

Mae Digwyddiad ‘Ceidwad Arfordirol am y Dydd’ yn dilyn cyfres o welliannau i ‘Barc Arfordir Sir y Fflint’, a lansiwyd yn swyddogol yn Sir y Fflint ym mis Mawrth eleni, yn nigwyddiad ‘Gwyl y Môr’. Elwodd Parc Arfordir Sir y Fflint o Gyllid Ffyniant a Rennir Llywodraeth y DU o 2023 a thrwy gydol 2024 i wella Parc Arfordir Sir y Fflint er budd trigolion ac ymwelwyr Sir y Fflint. Mae Cyngor Sir y Fflint wedi llwyddo i sicrhau cyllid UKSPF am flwyddyn ychwanegol i ddatblygu a symud gwaith sy’n gysylltiedig â Pharc Arfordir Sir y Fflint ymhellach, gan elwa o £238,652.40 o gyllid.

Mae Parc yr Arfordir yn dathlu cynefin naturiol cyfoethog Aber Afon Dyfrdwy ac Arfordir Sir y Fflint, mae 'Parc Arfordir Sir y Fflint' yn hynod arwyddocaol wrth sicrhau bod gan bobl fynediad i'r amgylchedd naturiol, ar gyfer hamdden ac i wella eu hiechyd a'u lles.

Mae Parc yr Arfordir yn ymestyn ar draws arfordir Sir y Fflint o Saltney i Dalacre, gan gynnwys Porth y Gogledd a Dinas yr Ardd, Cei Connah a Shotton, y Fflint, Bagillt, Maes Glas, Llanerch-y-môr a Mostyn, a Gronant.

Am ragor o wybodaeth am Brosiect ‘Cysylltu’r Arfordir â Chefn Gwlad’ Parc Arfordir Sir y Fflint: https://tinyurl.com/3pw5ajxd

Llun (Credyd McDonald’s (DU) Y Rhyl): Staff McDonald’s (DU) y Rhyl gyda Cheidwad Arfordirol Mynediad ac Amgylchedd Naturiol Sir y Fflint, Tim Johnson.