Cynnig i aildrefnu Ysgol Gynradd Saltney Ferry ac Ysgol Gynradd Goffa Saltney Wood 2026
Cynhaliwyd ymarferion ymgynghori blaenorol ar yr un cynigion yn ystod 2025, ond daethpwyd â’r rhain i ben ym mis Mawrth 2026 pan ddaeth her gyfreithiol hwyr i law mewn perthynas â’r cynigion Ysgolion Catholig a allai fod wedi cael goblygiadau ar gyfer yr ymgynghoriad ar ysgolion Saltney hefyd.
Ceisiodd y Cyngor gyngor cyfreithiol mewn ymateb i hynny, fodd bynnag, roedd yr amser oedd ei angen i ystyried y cyngor hwnnw yn golygu nad oedd posib bodloni’r amserlen statudol a nodir yng Nghod Trefniadaeth Ysgolion 2018.
Ers i’r broses wreiddiol ddod i ben, mae Cod Trefniadaeth Ysgolion 2026 newydd diwygiedig wedi ei gyhoeddi ac felly bydd ymgynghoriad newydd hefyd yn sicrhau fod y broses yn cydymffurfio gyda’r Cod newydd a bod gan fudd-ddeiliaid gyfle cyfredol a theg i wneud sylwadau.
Bydd ail-ddechrau’r broses ymgynghori yn sicrhau bod budd-ddeiliaid a’r cyhoedd yn cael cyfle arall i rannu eu hadborth cyn i unrhyw benderfyniadau gael eu gwneud.
Mae’r ymgynghoriad yn gyfle i fudd-ddeiliaid ac eraill sydd â diddordeb ddysgu am y newidiadau a gwneud sylwadau ynglŷn â’r cynnig i ad-drefnu’r ddarpariaeth yn Ysgol Gynradd Saltney Ferry ac Ysgol Gynradd Goffa Saltney Wood.
Cau Ysgol Gynradd Saltney Ferry ac Ysgol Gynradd Goffa Saltney Wood ac agor ysgol newydd a fydd yn gweithredu ar y ddau safle presennol nes bydd adeilad newydd wedi’i gymeradwyo a’i adeiladu.
Mae’r ymgynghoriad yn rhoi cyfle ichi ofyn cwestiynau, gwneud sylwadau a rhannu eich barn am y cynigion sy’n cael eu cyflwyno. Bydd eich cyfraniad i’r ymgynghoriad yn cael ei ystyried yn ofalus wrth i’r Cyngor benderfynu a ddylid gweithredu ar y cynnig ai peidio.
Bydd y cyfnod ymgynghori ffurfiol yn dechrau ar 16 Mehefin 2025 ac yn dod i ben ar 29 Gorffennaf 2026.
Gellir dod o hyd i fanylion llawn y cynnig yn y Ddogfen Ymgynghori Statudol sydd yma: