Ymgysylltu Heddiw i Drawsnewid Yfory – Strategaeth Ymgynghori ac Ymgysylltu Ddrafft
Mae Cyngor Sir y Fflint yn awyddus i dderbyn adborth ar ei Strategaeth Ymgynghori ac Ymgysylltu ddrafft newydd - Ymgysylltu Heddiw i Drawsnewid Yfory.
Nod y Strategaeth yw nodi’n glir ac yn syml sut y gall pobl gymryd rhan, dweud eu dweud ar bethau sy’n bwysig iddynt a helpu i wella gwasanaethau presennol y Cyngor yn ogystal â helpu i siapio sut fydd gwasanaethau’n edrych yn y dyfodol.
Bydd yr ymgynghoriad yn cael ei gynnal o 29 Medi i 9 Tachwedd 2025 a bydd yn agored i bawb gael dweud eu dweud.
Bydd yr adborth y byddwn yn ei dderbyn o gymorth i ddatblygu fersiwn derfynol y Strategaeth.
Gall preswylwyr nad ydynt yn gallu llenwi’r arolwg ar-lein fynd i unrhyw un o Ganolfannau Sir y Fflint yn Cysylltu lle bydd modd cael cefnogaeth. Mae’r oriau agor ar wefan y Cyngor.
Bydd cymorth hefyd ar gael ar Lyfrgell Deithiol Gwella ar y dyddiadau isod:
Lyfrgell Deithiol Gwella
| Dyddiad | Ymweld |
|---|
| 30 Medi |
Caerwys, Calcoed, Brynffordd, Ysgeifiog a Nannerch |
| 2 Hydref |
Talacre, Gronant, Gwaenysgor, Gwespyr, Mostyn a Phenyffordd (CH8) |
| 15 Hydref |
Penymynydd, Penyffordd (CH4), Yr Hôb, Oaklea Grange, Kinnerton |
| 17 Hydref |
Mancot, Mynydd Isa, Ewlo, Green Lane East |
| 22 Hydref |
Penarlâg, Sealand, Ewlo, Pentre Cythrel, Shotton, Shotton Uchaf |
| 24 Hydref |
Gwernymynydd, Gwernaffield, Rhosesmor, Rhydymwyn |
| 4 Tachwedd |
Llanfynydd, Ffrith, Abermorddu, Caergwrle, Coed-llai, Treuddyn |
| 6 Tachwedd |
Saltney Ferry, Saltney, Sandycroft, Mynydd-y-Fflint, Llaneurgain, Northop Hall |
Ar ôl derbyn a dadansoddi’r adborth, byddwn yn cyhoeddi’r canlyniadau, ynghyd â’r strategaeth derfynol:
- yma ar ein gwefan
- trwy’r holl sianeli a ddefnyddiwyd i gasglu eich adborth a
- byddant hefyd ar gael yn ein Canolfannau Sir y Fflint yn Cysylltu
Cyn llenwi’r arolwg, a fyddech cystal â threulio ychydig o funudau yn edrych trwy’r strategaeth ddrafft.
Dweud eich dweud
I ofyn am yr arolwg mewn fformat neu iaith arall, cysylltwch â:
- E-bost: gwasanaethaucwsmer@siryfflint.gov.uk
- Rhif ffôn: 01352 703020