Adfywio

Mae’r gwasanaeth yn chwarae rôl hanfodol yn y gwaith o gefnogi a datblygu economi leol gref, un sy’n ddeinamig ac yn gallu ymdopi â newidiadau allanol.  Byddwn yn parhau i helpu busnesau lleol, yn cynorthwyo pobl i ddod o hyd i waith ac yn helpu i wneud Sir y Fflint yn lleoliad atyniadol i fuddsoddi ynddo.

Mae’r gwasanaeth yn canolbwyntio mwy a mwy ar ddatblygu dulliau cyfannol o adnewyddu ardaloedd lleol, gan gysylltu gwelliannau i dai â buddsoddi yn yr amgylchedd, ac mewn pobl leol, trwy adeiladu capasiti, datblygu hyfforddiant a sgiliau.  Mae llawer o bobl yn cael gwaith mewn ffyrdd anghonfensiynol.  Yn unol â hynny, byddwn yn annog datblygiad mentrau cymdeithasol a marchnadoedd llafur canolraddol fel ffyrdd amgen i bobl gael gwaith a chael eu cynnwys yn y gymdeithas.

Gwybodaeth yn yr adran hon

Datblygu gwledig

Mae Cyngor Sir y Fflint wedi ymrwymo i gydweithio gyda phartneriaid i helpu datblygu a chryfhau cymunedau gwledig Sir y Fflint.

Ardal adfywio strategol Glannau Dyfrdwy

Y parth pwysig a strategol hwn yw craidd daearyddol y porth Ewropeaidd, cenedlaethol a rhanbarthol hwn. Mae Cyngor Sir y Fflint yn ymroddedig i gyfres eang o fentrau adfywio ar hyd Coridor Glannau Dyfrdwy.

Adolygiad adfywio Sir y Fflint

Hwn yw’r adolygiad cyntaf o’n Strategaeth Adfywio.

Strategaeth Adfywio Sir y Fflint 2009-2020

Mae’r Strategaeth yn darparu fframwaith i’r Cyngor a’i bartneriaid er mwyn arwain adfywiad dros y deng mlynedd nesaf. 

Cysylltu Cymunedau Sir y Fflint

Prosiect sy’n cael ei weithredu o dan Gynllun Busnes 2 Echel 3 Cynllun Datblygu Gwledig (CDG) Cymru 2007-2013 yw Cysylltu Cymunedau Sir y Fflint. Dechreuodd ym mis Mawrth 2011 a daw i ben ym mis Rhagfyr 2013. Bydd y prosiect yn hyrwyddo amcanion amgylcheddol, cymdeithasol a chynaliadwyedd economaidd, yn arbennig o ran trafnidiaeth a newid hinsawdd, cydlyniant cymdeithasol a chysylltedd a thrwy gynyddu a chreu cyfleoedd newydd ar gyfer twristiaeth yng nghefn gwlad Sir y Fflint. Bydd y prosiect hwn yn ychwanegu’n bositif at fentrau gwledig eraill, gan gynnwys Ride the Clwyds, Llwybr Arfordir Cymru Gyfan a Llwybr Arfordirol y Dyfrdwy (llwybr beicio).

Prosiect Adfywio Canol Trefi Gogledd-ddwyrain Cymru

Nod Prosiect Adfywio Canol Trefi Gogledd-ddwyrain Cymru yw adfywio canol trefi’r Gogledd-ddwyrain rhag iddynt ddirywio ymhellach, a chreu mwy o fwrlwm ynddynt