Cynlluniau Ymateb i Argyfwng

Mae gan y Cyngor gynlluniau argyfwng sydd wedi'u seilio ar ddeddfwriaeth a'r gofrestr Risg Gymuned i'w helpu i ymateb yn gyflym ac yn effeithiol i ddigwyddiadau argyfyngus mawr.

Mae Deddf Argyfyngau Sifil Posibl 200 (a'r rheoliadau a'r canllawiau cysylltiedig) yn rhoi cyfres o ddyletswyddau ar awdurdodau lleol i ofalu bod cynlluniau effeithiol i baratoi ar gyfer argyfyngau wedi'u cynhyrchu. Os bydd argyfwng yn digwydd, rhaid i'r awdurdod lleol fedru ymateb i helpu pobl ac eiddo ac i gynnal ei wasanaethau .

Mae'r cyfrifoldebau'n cynnwys:

• Bod yn barod i ymateb yn briodol mewn argyfwng - yn ystod y digwyddiad ac wedyn ;
• Rhybuddio a rhoi gwybodaeth i'r cyhoedd;
• Parhau i ddarparu gwasanaethau hanfodol i'r cyhoedd mewn argyfwng 
• Cydweithio â'r gwasanaethau brys, awdurdodau cyfagos ac asiantaethau eraill drwy Fforwm Lleol Cymru Gydnerth  .

Fforwm Lleol Cymru Gydnerth sy'n llunio polisïau ac sy'n gyfrifol am baratoi'r Gofrestr Risg Gymunedol ar sail y prif ddigwyddiadau peryglus a allai ddigwydd yng Ngogledd Cymru. Mae cynllun argyfwng Sir y Fflint wedi'i seilio ar faint a natur y peryglon.  Os hoffech ragor o wybodaeth am y Gofrestr Risg Gymunedol cliciwch yma i fynd i wefan Heddlu Gogledd Cymru ac i lawrlwytho'r gofrestr. Caiff cynlluniau argyfwng eu paratoi mewn ymgynghoriad ag aelodau Fforwm Lleol Cymru Gydnerth a chânt eu hadolygu bob blwyddyn. Cânt hefyd eu hymarfer ar liniaduron neu drwy greu sefyllfaoedd.

Mae Don Norris, y Rheolwr Argyfyngau Sifil Posibl a'r tîm sy'n paratoi cynlluniau argyfwng yn aelodau o Fforwm Lleol Cymru Gydnerth a'r tasglu ynghyd â'r cyrff a restrir isod:

• Cyngor Sir y Fflint
• Heddlu Gogledd Cymru 
• Gwasanaeth Tân ac Achub Gogledd Cymru
• Gwasanaeth Ambiwlans Gogledd Cymru 
• Asiantaeth y Môr a Gwylwyr y Glannau
• Ymddiriedolaethau Gofal Sylfaenol
• Y fyddin
• Asiantaeth yr Amgylchedd Cymru
• Tîm Gwrthsefyll Rhanbarthol  
• Awdurdodau Lleol Gogledd Cymru gan gynnwys Wrecsam, Gwynedd, Conwy ac Ynys Môn .