Uned Chwarae

‘HAWL POB PLENTYN’

Cyngor Sir y Fflint – Tîm yr Uned Chwarae

Rydym yn dîm ymroddedig sy’n gweithio yn is-adran y Gwasanaethau Hamdden.  Mae gennym gyfoeth o brofiad, yn arbennig o gyflawni llwyddiant trwy weithio mewn partneriaethau i ddarparu cyfleoedd chwarae.

Rheolwr yr Uned Chwarae - 01352 702469

Swyddog Datblygu Chwarae – 01352 702456

Swyddog Dylunio Chwarae – 01352 702466

Swyddog Datblygu Chwaraeon ar Olwynion – 01352 702483

• Strategaeth Chwarae Sir y Fflint
• Tîm Arweiniol y Prosiect Chwarae
• Tîm Gwaith Chwarae Cymunedol
• Tîm cynnal a chadw ac arolygu ardaloedd chwarae cyfarparedig
• Tîm Bydis
• Tîm Gwaith Chwarae’r Haf

Sir y Fflint yw’r unig awdurdod lleol yng Nghymru i ddarparu rhaglen cynlluniau chwarae ledled y sir yn ystod yr haf, ar y cyd â Chynghorau Tref a Chymuned a Llywodraeth Cynulliad Cymru.

Cyfleoedd Chwarae Cynhwysol

Yn Sir y Fflint rydym yn ymroddedig i ddarparu cyfleoedd i bob plentyn.  Rydym yn cymryd camau i oresgyn rhwystrau i alluogi plant anabl a phlant nad ydynt yn anabl i chwarae gyda’i gilydd.  2010 oedd y chweched flwyddyn i Gynllun Bydis Sir y Fflint, sef rhan annatod o ddarpariaeth Cynlluniau Chwarae’r Haf.  Mae’r cynllun hwn wedi galluogi’r Uned Chwarae i gydweithio’n agos â phlant a’u teuluoedd i alluogi plant ag anableddau i gael mynediad at eu darpariaeth chwarae leol.  Mae ein holl weithwyr chwarae yn darparu cynlluniau chwarae cynhwysol i bob plentyn sy’n byw yn lleol.

Mae’r Uned Chwarae hefyd yn ymroddedig i weithio i greu mwy o gyfleoedd chwarae i ‘ofalwyr ifanc’ mewn partneriaeth â Barnardos a Family Matters, Sipsiwn a Theithwyr a hefyd plant nad ydynt yn siarad Cymraeg na Saesneg yn Sir y Fflint

Am fwy o wybodaeth am y gwasanaeth hwn cyflwynwch ymholiad (bydd hyn yn agor e-ffurflen)

Gwybodaeth yn yr adran hon

Gwella Meysydd Chwarae 2010/11

Mae darparu Meysydd Chwarae ym mhob rhan o’r Sir yn elfen bwysig iawn o ddatblygiad plant ac ansawdd bywyd mewn cymunedau’n gyffredinol. Mae Cyngor Sir y Fflint yn cefnogi nifer fawr o feysydd chwarae; mae angen gwneud gwaith i wella nifer ohonynt er mwyn cyfoethogi eu gwerth i blant wrth chwarae.

Atgofion Chwarae

Mae Uned Chwarae Cyngor Sir y Fflint yn lansio ymgyrch 12 mis i godi proffil a dealltwriaeth o chwarae.  Mae’r ymgyrch yn annog aelodau o’r cyhoedd o bob oedran o bob cwr o Sir y Fflint i ail-fyw eu profiadau chwarae a’u hatgofion o’u plentyndod.

Strategaeth Chwarae Sir y Fflint 2011 - 2014

Strategaeth Chwarae Sir y Fflint 2011 - 2014

Cynlluniau Chwarae’r Haf

Mae cynlluniau chwarae’r haf yn unigryw i Sir y Fflint ac maent yn cynnwys Quayplay, yng Nghei Connah, sef y cynllun chwarae mwyaf yn y sir.

Parciau Chwarae ar Olwynion

Yn Sir y Fflint, mae chwaraeon ar olwynion fel BMX, sglefrfyrddio a llafnrolio yn dod yn fwyfwy poblogaidd ymhlith pobl ifanc.