Ymddeoliad Cynnar

Os oes gennych chi gyfanswm o 3 mis o aelodaeth o leiaf, neu eich bod chi wedi trosglwyddo pensiwn i’r Cynllun Pensiwn Llywodraeth Leol sy’n cyfateb i hyn, cewch adael eich cyflogaeth yn wirfoddol a derbyn eich buddion pensiwn o unrhyw adeg o 60 oed ymlaen. 

Cewch ddewis ymddeol a derbyn eich buddion pensiwn Cynllun Pensiwn Llywodraeth Leol rhwng 55 a 59 oed hefyd, ond dim ond os yw eich cyflogwr yn rhoi caniatâd.  

Dylech fod yn ymwybodol, os ydych chi’n ymddeol cyn bod yn 65 oed, bydd peth neu’r cyfan o’ch buddion pensiwn wedi’u cwtogi onibai eich bod chi’n aelod o’r Cynllun Pensiwn Llywodraeth Leol cyn 1 Hydref 2006 a’ch bod chi’n gymwys i gael eich diogelu dan y Rheol 85 mlynedd.

Os gwnaethoch chi ymuno â’r cynllun ar neu ar ôl 1 Hydref 2006 BYDD cwtogiad i’ch pensiwn os ydych chi’n ei gymryd cyn bod yn 65 oed.