Pensiynwyr a ailgyflogir

Mae gan yr holl awdurdodau gweinyddu pensiynau y disgresiwn i leihau neu atal eich pensiwn Cynllun Pensiwn Llywodraeth Leol os ydych chi’n cael eich ailgyflogi mewn llywodraeth leol.  Mae Cronfa Bensiynau Clwyd wedi peidio ag ‘atal’ yn y modd yma mwyach, sy’n golygu y gallwch chi fod yn derbyn eich pensiwn Cynllun Pensiwn Llywodraeth Leol a dechrau swydd newydd mewn llywodraeth leol heb i hynny effeithio ar eich pensiwn.  Fodd bynnag, gellid effeithio ar bensiwn Cynllun Pensiwn Llywodraeth Leol os gwnaethoch chi dderbyn blynyddoedd ychwanegol digolledu fel rhan o broses dileu swydd neu ymddeol er effeithlonrwydd.  Os gwnaethoch chi dderbyn cynnydd yn eich blynyddoedd aelodaeth ar gyfer ymddeol ar sail gwaeledd iechyd, rhaid adolygu hynny hefyd.  Mae’n rhaid i Gronfa Bensiynau Clwyd atal y pensiynau hyn yn ôl y gyfraith. 

Os gwnaethoch chi dderbyn blynyddoedd ychwanegol digolledu neu eich bod wedi ymddeol ar sail gwaeledd iechyd a’ch bod bellach wedi eich cyflogi ym maes llywodraeth leol unwaith eto, cysylltwch gyda Chronfa Bensiynau Clwyd gyda manylion am eich cyflogaeth llywodraeth leol newydd.  Fe wnawn ni gadarnhau yn ysgrifenedig a fydd eich pensiwn yn cael ei atal neu ei gwtogi ai peidio.